Mene ne hukuncin bayyana bismilla a ya yin sallah bayyananniya?

Dangane da bayyana bismillah a sallah wani abu ne ya ke cikin abubuwa na sabanin malamai, wasu malaman fikihun su na ganin wajabcin bayyana bismilla a sallah, ya yin da wasu daga cikinsu ke ganin boye karanta bismillah shine mafi dacewa, wannan al’amarin abun kididdigewa ne a cikar sallah, don haka babu mamaki a samu sabani a cikinsa, lamarinsa abu ne mai yalwa.

Abin da ya kamata limamai su lura da shi anan shine, abin da aka saba gudanarwa a masallatai da garuruwa – Na bayyanawa ko boyewa – to shi ya kamata suyi, hakan zai nesanta samar da sabani da rarrabuwar kai, tare da shagaltar da mutane da abu na furu’a fiye da na asali.