ډېر وخت راباندی تېر شو چې ما لمونځ پکې پرېښۍ وه، بیا مې خدای ته توبه وکړه، او غواړم چې دا لمونځونه قضا کړم، نو څنګه یې قضایي وکړم؟

له چا څخه چې فرض لمونځونه پاتې شوي وې بايد په هماغه ورځ يې په ترتيب سره اداء کړي، که له پنځو لمونځونو څخه زيات نه وي، که له دې څخه ډیر زيات وي، نو بايد له هر حاضر لمونځ سره يو قضايي لمونځ ادا کړي. ځکه چې رسول الله صلى الله عليه وسلم فرمایي: "د خداى پور لا زيات حقدار دى چې  ادا کړی شي." (متفق عليه) او د نبی کریم ﷺ په بل حدیث کې راغلي: چا چې يو لمونځ هېر کړ، نو کله يې چې په ياد شو نو لمونځ دې ادا کړي، له دې پرته بله کفاره نه لري.