له فرض څخه نفل ته نیت بدلول یا برعکس څه حکم لري؟

شرعا دا ثابته ده چې نيت د عمل له پيل څخه مخکې ترسره کیږي، او نیت د ځينو فقهاوو په نزد د لمانځه د صحت له شرطونو څخه دى او ځينو نورو د لمانځه له ارکانو څخه یو رکن بللى دى. خو له يو فرض څخه بل فرض ته او يا له نفل څخه فرض په لمانځه نیت بدلول جواز نه لري، او ځيني فقهاوو ويلي دي چي دا کار لمونځ  له اصله باطل وي، او ځينې فقهاء په دې نظر دي چي دا کار لمونځ له فرض څخه نفل ته بدلوي. خو  له فرض لمانځه څخه نفل ته نیت بدلول او یا له نفل لمانځه څخه بل نفل ته نیت بدلول د فقهاوو په اتفاق جایز دی که کوم عذر  موجود وي، او ځينې وایې که عذر  هم نه وي روا دی.