د اخري زمانې د احاديثو په اړه د مسلمانانو واجبه دنده څه ده، او  تکفيری تحريکونو څنګه د هغو احادیثو د تفسير او تطبیق جرأت کړی؟

 د آخري زمانې په اړه د راغلو احادیثو کتل جائز دي، او د هغو پېښو په واقع کېدو چې په کې راغلي دی  ایمان لرل د مسلمانانو د عقیدې د اصل څخه دی چې مسلمان په دي مکلف هم دی، او پرې فرض دي چي په هغو غیبو ایمان ولري کوم چې په واضحه توګه په  قرآن کریم او صحیح سنتو کي ثابت شوی وي،خو د دې احادیثو  تطبیق په معینه پيښې پورې تړل د بحث وړ موضوع ده، خو په دې مقام کې یې د جواز   ثبوت  د امت د سلفو فقهاوو په فقه کې د داسې مثالونو شتو دی چې د فتنو احادیثو  یې په معینو پیښو تطبیق کړي دي.

خو دا تطبیق  خپل اصول لري، لکه د یوي پېښې وروسته یې تطبیق کول او نه مخکې، او دا اصل د صحابه کرامو په عملونو کې ښکاره او واضح ده، لکه خزیمه بن ثابت رضی الله عنه باغی ډله نه وه پېژندلې مګر  د عمار بن یاسر رضی الله عنه تر وژلو وروسته ، او اسماء بنت ابی بکر رضی الله عنهما په حجاج او مختار الثقفي باندې حکم نه وه کړی ترڅو پورې چې له اول څخه تباهي او وژنې او له دوهم څخه دروغ او افتراء ښکاره شوی نه وه.

د احادیثو تطبیق د یوکار او مسلې له پېښیدو مخکې، اکثرا امت ته داسې سختۍ او ازمایښتونه راوړي چې ورته اړتیا نه وي، او په دې سره یې د شر یوه داسې دروازه  خلاصه وی بنده ده او هغه هم د رسول الله صلی الله علیه وسلم د یوه حدیث د غلط تفسیر له امله. لکه ځینې خلک چې د مهدي په اړه احادیث په خپل منځ کې یو ځانګړي سړي ته منسوبوي، بیا د هغه په اړه تعصب کوي، چې په دې توګه د مسلمانانو وینه توییږي او عزت یې بې دلیله تر پښو لاندې کیږي.