په عمومي او خصوصي داوطلبۍ کې ګډون کول او د هغې په بدل کې  فیس ورکول څه حکم لري؟

 داوطلبي(مناقصه) شرعا لکه د مزایدي یا بولي په څیر جایز عقد دی، او د مزایدی یا بولي احکام ور باندې پلي کیږي، داوطلبۍ ته د ننوتلو فیس په اخیستلو کې هم کوم شرعي ممانعت نشته، خو چې د حقیقي ارزښت څخه یې زیات نه وي، ځکه چې دا د هغې قیمت دی.

داوطلبي د اداري عقدونو د ترلاسه کول یو له عامو میتودونو څخه دی چې د دولتي او خصوصي ادارو لخوا ترسره کیږي، د اکمالاتو عقد او قراردادونو په څیر دی، او دا په مالي معاملاتو کې نوی ډول دی، او دا عقد هغه کسان کاروي چې غواړي توکي او یا ځانګړی خدمت د وړاندیز شوي قیمتونو تر ټول په ټیټ نرخ ترلاسه کړي، دا عقد د مزایدې په څیر جواز لري او احکام یې هم پرې پلي کیږي، له همدې امله د داوطلبۍ د قراردادونو اجراءات لکه د هغې لیکل، او د هغي تنظیم،ضوابط او اداري یا قانوني شرایطو باید د اسلامي شریعت له احکامو سره په ټکر کې نه وي، د ننوتلو فیس یې اخیستل کوم شرعي مانع نلري (د شروطو د کتابچې اخیستل)چې د حقیقي ارزښت څخه ډیر نه وي، ځکه چې دا یې قیمت دی.